Codi Arian

Fundraising

Rydym yn chwilio am Bobl Codi Arian rhagweithiol o fewn y gymuned ar draws Powys i godi arian ar gyfer Gofalwyr a Gofalwyr Ifanc.

Beth mae codi arian yn ei olygu?

Mae codi arian nid yn unig yn golygu codi arian: mae’n cynyddu ymwybyddiaeth hefyd am yr hyn a wnawn o fewn Credu.

Mae codi arian yn digwydd o fewn y gymuned leol
Mae codi arian yn helpu i ledaenu’r gair am ein gwasanaethau cefnogi Gofalwyr.
Mae codi arian yn helpu Credu i gysylltu gyda’r gymuned leol ac yn annog pobl i gefnogi ein gwaith.
Mae codi arian yn ein helpu hefyd i ymgysylltu gyda sefydliadau, clybiau, busnesau ac ysgolion lleol.

Beth yw’r manteision o godi arian?

Wel, yn amlwg, rydym yn codi arian ac ymwybyddiaeth am Credu fel elusen. Ond i chi fel rhywun sy’n codi arian, mae llwyth o fanteision hefyd!

Mae codi arian yn llawer o hwyl. Gellir ei wneud yn unigol neu mewn timau, felly gallwch ddewis yr hyn sydd orau gennych chi. Gallwch gwrdd â theulu a ffrindiau, neu gallwch ymuno â thîm a gwneud ffrindiau newydd.
Mae’n werth chweil i helpu eraill, a thrwy godi arian, fe fyddwch yn gwneud gwahaniaeth gwirioneddol i’r holl ofalwyr yn eich cymuned.
Fe fyddwch yn cymryd rhan mwy yn eich cymuned, ac yn cwrdd â phobl ddiddorol o’r un anian.
Fe fyddwch yn dysgu sgiliau newydd ac yn tyfu mewn hyder trwy weithio fel rhan o dîm.
Mae pobl sy’n codi arian yn cael gwahoddiadau unigryw i ddigwyddiadau Credu!

Faint o amser fyddai’n rhaid i mi ei dreulio yn codi arian?

Chi sydd i benderfynu hynny!

Rydych chi’n penderfynu faint o amser rydych eisiau ei gyfrannu, a sut ydych eisiau ei gyflawni o amgylch ymrwymiadau eraill sydd gennych
Gall gweithgareddau codi arian fod yn ddigwyddiadau unigryw, neu’n cael eu cynnal ar sail barhaus
Mae’n hawdd ymuno.
Does dim angen profiad blaenorol o godi arian arnoch.
Chi sy’n penderfynu sut yr ydych eisiau codi arian.
O foreau coffi i stondinau cacenau, casgliadau bwced a nosweithiau cwisys hwyliog, mae rhywbeth at ddant pawb.

Mae pobl sy’n codi arian yn chwarae rhan hanfodol wrth godi arian ac ymwybyddiaeth yn eu hardal leol, ac yn helpu i eirioli dros Ofalwyr a Gofalwyr Ifanc.

Help a chefnogaeth ar gyfer eich gweithgareddau codi arian

Rydym yma i’ch cefnogi chi gyda chodi arian. Bydd ein gweithwyr codi arian lleol/rhanbarthol yn gallu cynnig cefnogaeth, a gallant roi gwybod i chi am ddigwyddiadau a gynhelir yn eich ardal leol, neu unrhyw grwpiau codi arian sy’n bodoli eisoes. Am ragor o wybodaeth neu os hoffech ddechrau grŵp codi arian, gallwch gysylltu â ni ar E-bost: carers@credu.cymru. Ffôn: 01597 823800

Codi Arian Ar-lein

Ydych chi’n archebu seibiant byr neu wyliau? Yn prynu ambell i beth ar Amazon? Yn archebu cetrysau inc? Yn archebu eich dosbarthiadau ar-lein cyntaf gan Asda/Tesco?

Mae cyn hawdded ag 1, 2, 3…

- Oeddech chi’n gwybod pryd bynnag y byddwch yn prynu unrhyw beth ar-lein – o’ch siopa wythnosol hyd at eich gwyliau blynyddol – y gallech fod yn casglu cyfraniadau AM DDIM i Credu?
- Mae dros 3,000 o siopau a safleoedd wedi’u cynnwys eisoes sy’n barod i wneud cyfraniad, gan gynnwys Amazon, John Lewis, Expedia, Aviva, Debenhams, M & S, thetrainline, Sainsbury’s a miloedd o adwerthwyr eraill – dydy o ddim yn costio ceiniog yn ychwanegol i chi!
Edrychwch ar easyfundraising.org.uk/causes/credu/ ac ymuno am ddim.
Pob tro y byddwch yn siopa ar-lein, ewch i easyfundraising gyntaf i ganfod y safle rydych ei eisiau a dechrau siopa.
Wedi i chi dalu, bydd yr adwerthwr yn gwneud cyfraniad at eich achos da heb unrhyw gost ychwanegol o gwbl i chi!

Does dim telerau na thaliadau cudd a bydd Credu yn wirioneddol ddiolchgar am eich cyfraniadau.

Fe fyddem wrth ein boddau’n eich gweld yn cymryd rhan felly dewch i gysylltiad os oes gennych unrhyw syniadau codi arian eich hunan ar 01597 823800 neu anfonwch e-bost at carers@credu.cymru

Diolch i chi am eich cefnogaeth … mae’n rhyfeddol sut y bydd y cyfan yn cronni!

Donate

Cyfrannu i Gefnogi Credu

Mae nifer o ffyrdd y gallwch wneud cyfraniad.

Gallwch drefnu digwyddiad codi arian, neu gymryd rhan mewn gweithgaredd noddedig.
Gallwch wneud cyfraniad unigryw neu reolaidd, neu drefnu cyfraniad yn eich ewyllys.
Gallwch ofyn am gyfraniad er cof am anwyliaid, er enghraifft, i nodi pen-blwydd pwysig neu’n hytrach na blodau angladd.

Mae gennym gyfrif PayPal, gallwn dderbyn trosglwyddiadau banc wrth gwrs, a gallwch ddefnyddio JustGiving. Cysylltwch â’r swyddfa am ragor o wybodaeth.