Mae eich gallu i gael mynediad at gefnogaeth yn dibynnu ar y canlynol

•     Mae’r angen yn bodoli oherwydd eich rôl gofalu

•     Ni ellir diwallu’r angen hwnnw eich hunan, gan eraill na gan wasanaethau lleol

•     Mae’n effeithio ar eich lles

Mae lles yn fwy na bod yn iach yn unig, gall hefyd gynnwys:

•     bod yn ddiogel

•     cael rhywle addas i fyw

•     cael eich cynnwys mewn penderfyniadau sy’n effeithio ar eich bywyd

•     cael ffrindiau

•     bod yn rhan o gymunedau cryfion, da

•     cael pob cyfle i wneud yn dda mewn addysg

•     teimlo’n dda am eich bywyd

•     i oedolion – gallu gweithio

•     i blant – gallu tyfu i fyny’n hapus ac yn llwyddiannus, wedi derbyn gofal da

 

Wedi’r asesiad, efallai y bydd gennych gynllun gofal neu gefnogaeth, sy’n disgrifio’r help y byddwch yn ei dderbyn fel Gofalwr.

 

I baratoi am asesiad, efallai y byddwch eisiau meddwl am:

•     Y math o gefnogaeth a help mae’r unigolyn y byddwch yn gofalu amdano/amdani ei angen

•     Yr hyn yr hoffech ei weld yn digwydd a’r hyn y byddech chi’n hoffi ei wneud

•     Y pethau rydych yn ei wneud ar eu rhan

•     Faint o amser ydych chi’n ei dreulio yn gofalu

•     A oes unrhyw un arall yn eich cefnogi chi ai peidio

Fe fyddant hefyd yn edrych a oes angen gwybodaeth neu hyfforddiant arnoch ai peidio, gan ystyried yr effaith mae gofalu wedi’i gael ar eich bywyd gwaith a hamdden, ynghyd â’ch iechyd a lles. Cyn yr asesiad, meddyliwch am y math o gefnogaeth fyddai’n eich helpu chi..

 

Gallwch ofyn am gynnal yr asesiad yn gyfrinachol, ar amser cyfleus, heb i’r unigolyn sy’n derbyn y gofal oddi wrthych fod yno. Gallwch gael rhywun arall yno i’ch cefnogi chi, megis Gweithiwr Allgymorth Credu, ffrind neu Ofalwr arall. Wedi hynny, fe fyddwn yn derbyn copi o’ch asesiad a chyngor ar y wybodaeth, cefnogaeth a gwasanaethau a allai eich helpu chi. Mae’r daflen ffeithiau hon oddi wrth Ofalwyr Cymru yn rhoi llawer mwy o wybodaeth am Asesiadau Gofalwyr, eich hawliau cyfreithiol a sut y gallwch baratoi.